அணுசக்தி ஒப்பந்தம் தொடர்பாக மத்திய அரசுக்கு இடதுசாரி கட்சிகள் பெரும் நெருக்கடி கொடுத்து வருவதையொட்டி ஜனாதிபதி பிரதீபா பாட்டீலை பிரதமர் மன்மோகன் சிங் நேற்று அவசரமாக சந்தித்து பேசினார்.

இலங்கை கடற்படை தொடர்ந்து 25 ஆண்டுகளாக தமிழக மீனவர்களை சுடுவதை மத்திய அரசு தடுக்கவோ, தட்டிக் கேட்கவோ இல்லை. இது இந்தியாவின் கௌரவத்துக்கு விடப்பட்ட சவால் என இந்திய கம்யூனிஸ்ட் கட்சியின் மாநில செயலாளர் தா.பாண்டியன் கூறினார்.

அணுசக்தி ஒப்பந்தத்தை நாடாளுமன்றத்தில் தாக்கல் செய்து ஒப்புதல் பெறத் தயார் என்று பிரதமர் மன்மோகன் சிங் உறுதி கூறினார்.

கொழும்பில் நடைபெறும் சார்க் மாநாட்டின் பாதுகாப்புக்கு 3 ஆயிரம் இந்திய படை வீரர்கள் சென்றுள்ளனர். இவர்களை வைத்து ஈழத் தமிழர்களின் போராட்டதை ஒடுக்க இலங்கை அரசு திட்டம் தீட்டியிருப்பதாக பழ.நெடுமாறன் குற்றம் சாட்டியுள்ளார்.

அடுத்த மக்களவைத் தேர்தலுக்குத் தயாராகுமாறு காங்கிரஸ் தொண்டர்களுக்கு அக்கட்சியின் அகில இந்திய தலைவர் சோனியா காந்தி உத்தரவிட்டுள்ளார்.

இந்தியாவின் ஒரிஸ்ஸா மாநிலத்தில் மாவோயியவாதிகள் நடத்திய ஒரு தாக்குதலில் ஒரு படகு ஏரியில் கவிழ்ந்ததில் குறைந்தபட்சம் ஐம்பது பொலிசார் காணாமல் போயுள்ளனர். அவர்கள் உயிரிழந்திருக்கலாம் என்று அஞ்சப்படுகிறது.

சென்னை மயிலாப்பூரில் திருமணமான ஒரே நாளில் புதுமணப் பெண் தூக்கிட்டு தற்கொலை செய்து கொண்டார்.

நாங்கள் எந்த அணியில் இருந்தாலும் என்னையும் திருமாவளவனையும் யாராலும் பிரிக்க முடியாது என்று பாமக நிறுவனார் டாக்டர் எஸ்.ராமதாஸ் தெரிவித்தார்.