ஐபிசி தமிழ் ஐந்தாவது ஆண்டாக நடாத்தும் இன்னிசைக்குரல் 2007 பாடல் போட்டி நிகழ்வு 24.12.2007 திங்கட்கிழமை Bern மாநிலத்தில் சுவிஸ் வாழ் வர்த்தகப் பெருந்தகைகளின் பேராதரவில் நடைபெற்றது.

இந்நிகழ்வின் ஆரம்ப நிகழ்வாக தமிழீழ விடுதலைப்புலிகள் சுவிஸ் கிளை பேர்ண் மாநிலப் பொறுப்பாளர் மூர்த்தி அவர்கள் மங்கள விளக்கினை ஏற்றி வைத்தார். தொடர்ந்து தாயக விடுதலைப் போரில் தம்மை ஆகுதியாக்கிய மாவீரர்களுக்கு அகவணக்கம் செலுத்தப்பட்டது.

ஐபிசி தமிழ் சுவிஸ் கலையகம் வழங்கிய வரவேற்புரையைத் தொடர்ந்து தமிழீழ விடுதலைப்புலிகள் சுவிஸ் கிளை கலை பண்பாட்டுக் கழக இசைக்குழுவினர் வழங்கிய இசையில் நடைபெற்ற இளம் இன்னிசைக்குரல் , ஆண் இன்னிசைக்குரல் 2007 , பெண் இன்னிசைக்குரல் 2007 போட்டி நிகழ்வுகள் நடைபெற்றன.

மண்டபத்தில் திரண்டிருந்த மக்களின் இரசனையுடன் நடைபெற்ற பாடல் போட்டி நிகழ்வில் ஈழம் போய்ஸ் வழங்கிய மேற்கத்தேய நடனங்கள், சிறப்புரை , கடந்த வருட இன்னிசைக்குரல் நிகழ்வில் பங்குபற்றி வெற்றி பெற்ற பாடகர்களின் கௌரவப்பாடல்கள் என்பன இடம்பெற்றன.
இந்நிகழ்வில்  இளம் இன்னிசைக்குரல் றமோனா எஸ்பேரியார்  , ஆண் இன்னிசைக்குரல் 2007 நடேசபிள்ளை சுபாஸ்கரன், இணை இன்னிசைக்குரல் ஆண் 2007 துரைசாமி தயாபரன், பெண் இன்னிசைக்குரல் 2007 சாருஸ்சா இரட்ணம், இணை இன்னிசைக்குரல் 2007 பெண் நதினி ஆறுமுகநாதன் ஆகியோர் தெரிவாகி மதிப்பளிக்கப்பட்டனர்.

இளம் இன்னிசைக்குரல் , ஆண் இன்னிசைக்குரல் 2007 , பெண் இன்னிசைக்குரல் 2007 ஆக தெரிவாகிய மூவரும் எதிர்வரும் மாதத்தில் பிரித்தானியாவில் நடைபெறவிருக்கும் ஐரோப்பிய இன்னிசைக்குரல் நிகழ்வில் கலந்து போட்டியிடவுள்ளமை குறிப்பிடத்தக்கது.

மேலதிக படங்கள் படத்தொகுப்பிள் இணைக்கப்பட்டுள்ளது