நிகழ்வின் ஆரம்பத்தில் சிறிலங்கா படையின் ஆழஊடுருவும் படையணியின் கோரத்தனமான தாக்குதலினால் படுகொலை செய்யப்பட்ட மனிதநேயச் செயற்பாட்டாளர் கருணாரட்ணம் அடிகளாரின் திருவுருவப் படத்திற்கு தமிழர் புனர்வாழ்வுக் கழக அறக்கட்டளை சுவிஸ் பொறுப்பாளர் சு.சண்முகதாசன்; ஈகைச்சுடரேற்றினார். தொடர்ந்து நிகழ்வில் கலந்து கொண்ட பிரமுகர்களும், பொதுமக்களும் மலரஞ்சலி செலுத்தினார்கள்.

கானக்குயில் 2008 ஆரம்பநிகழ்வில் வெண்புறா நிறுவனத்தின் ஐரோப்பிய  பொறுப்பாளர் டாக்டர் மூர்த்தி, இத்தாலி நாட்டு தமிழர் புனர்வாழ்வுக்கழக் பொறுப்பாளர் திரு. கோணேஸ் ஆகியோர் விழா சுடர் ஏற்றிவைத்தனர். தொடர்ந்து அகவணக்கம், இராதா நடனாலய மாணவிகளின் வரவேற்பு நடனம் என்பனவும் இடம்பெற்றன.

கானக்குயில் 2008 இல்  தமிழீழ வெளியீட்டுகள் வெளியிட்டு வைக்கப்பட்டன.  தலைவா ஆணைகொடு இசைத்தட்டை சுவிஸ் கிளை வெளியீட்டுப்பிரிவுப் பொறுப்பாளர் செல்வா வெளியீட்டுவைக்க வெண்புறா நிறுவனத்தின் தலைவர் டாக்டர் என் எஸ் மூர்த்தி பெற்றுக்கொண்டார்.

விடுதலை மூச்சு, குருதிச்சன்னங்கள் ஆகியவற்றின் இறுவெட்டை சுவிஸ் கிளை வெளியீட்டுப் பிரிவின் துணைப்பொறுப்பாளர் சேந்தன் வெளியிட்டுவைக்க தமிழர் புனர்வாழ்வுக் கழகத்தின் இத்தாலி நாட்டுப் பொறுப்பாளர். திரு கோணேஸ் பெற்றுக்கொண்டார்.

(மேலதிக படங்கள்)

தொடர்ந்து சுவிஸ்  இளம்கானக்குயில், சுவிஸ் கானக்குயில் மற்றும் சுவிஸ் மழலைகள் கானக்குயில் ஆகியோரிற்க்கான போட்டிகளில் தெரிவு செய்யப்பட்டோர் ஐரோப்பிய போட்டியாளர்களுடன் மோதினர். தமிழீழ தேசப்பாடல்களை இளையோரும், சிறுவர்களும் மிகவும் சிறப்பாகப் பாடினார்கள். இடையே மேற்கத்தேய நடனங்களும் இடம்பெற்றன.
நிகழ்வின் சிறப்பம்சமாக பத்திரிகையாளர் திரு. கனகரவி;, வெண்புறா நிறுவனத்தின ஐரோப்பிய   பொறுப்பாளர் டாக்டர் மூர்த்தி மற்றும் தமிழீழ விடுதலைப்புலிகள் சுவிஸ் கிளையின் பேச்சாளர் திரு. அல்பேட் ஆகியோரின் பேச்சுக்கள் அமைந்திருந்தன.

நிகழ்வினை அறிவிப்பாளர்; திரு.யஸ்ரின் சக அறிவிப்பாளர்; திருமதி. கற்பகத்துடன் இணைந்து சிறப்பாக தொகுத்து வழங்கியிருந்தனர். போட்டிகளில் வென்றவர்களிற்கான பரிசில்களை சிறப்பு விருந்தினர்கள் வழங்கி கௌரவித்தார்கள்.