மேலும் பாதைகாட்டும் கருவிகளில் (Navigation) வேகப்பதிவு ராடர்களை கண்டறியும் தொழிற்பாடுகளை வைத்திருத்தல், அனுமதிப்பத்திரம் இல்லாமல் வாகனங்களை செலுத்துதல் ஆகிய குற்றங்களுக்கான தண்டனைகள் மேலும் கடுமையாக்கபடவேண்டும், என்றும் அமைச்சர் கூறியுள்ளார்.

வேகமாக வாகனம் செலுத்துவோர் வீதிப்பாதுகாப்பிற்கு மிகவும் அச்சுறுத்தலாக இருப்பதாக சுட்டிக்காட்டப்பட்டுள்ளது. சாதாரணமாக சட்டவிதிகளுக்கமைய வாகனம் செலுத்தும் வாகனச்சாரதிகள் மட்டுமன்றி அவர்களின் குடும்பங்களும் இவ்வாறானவர்களால் பாதிப்புக்குள்ளவதால் இவர்களுக்கு கடும் தண்டனை வழங்கபடவேண்டும் என்பதில் பல்வேறு தரப்பினரிடம் ஒற்றுமை காணப்படுகிறது.