ஹைதராபாதில் நேற்று மாலை ஆரம்பித்த இந்த இறுதியாட்டத்தில் ஆட்ட நேர முடிவு வரை இரண்டு அணிகளும் தல 2 கோல்களைப் போட்டு சமநிலையில் இருந்தன. எனினும், போட்டியின் இறுதி முடிவைக் காணும் பொருட்டு வழங்கப்பட்ட மேலதிக நேரத்தில், இந்தியாவின் திவாகர் ராம் கோலடித்து, இந்தியாவை வெற்றிக்கு அழைத்துச் சென்றார். இறுதியில் இந்தியா 3:2 என்ற கோல் கணக்கில் வெற்றிபெற்றது. 

இதனிடையே, இந்திய அணி நேற்றைய ஆட்டத்தில் இலகுவாக வெற்றி பெறும் என்று கூறப்பட்டாலும் தென்கொரிய வீரர்களின் ஆக்ரோசமான ஆட்டம், இந்திய வீரர்களை திக்குமுக்காடச் செய்யது. ஒருவரும் எதிர்பாக்காத வகையில் அவர்கள் 2 கோல்களைப் பெற்றமை குறிப்பிடத்தக்கது. தென்கொரிய வீரர்களின் ஆட்ட நுணுக்கங்கள் சர்வதேசத்தரத்துடன் ஒப்பிடக்கூடியவையாக இருந்தன.

முன்னாதாக நடைபெற்ற 3ஆம் இடத்துக்கான ஆட்டத்தில் பாகிஸ்தான் 7:2 என்ற கணக்கில் ஜப்பானை மிக இலகுவாகத் தோற்கடித்தது. இந்திய அணியுடன் அரையிறுதியில் விளையாடிய, பாகிஸ்தான் அந்தப் போட்டியில் 3:1 என்ற கணக்கில் தோல்வியடைந்திருந்தது. குறித்த ஆட்டத்தில் இந்திய, பாகிஸ்தானிய வீரர்களுக்கிடையில் கைகலப்பு இடம்பெற்றமை குறிப்பிடத்தக்கது.