20 அணிகளையும் 10 அணிகள் கொண்ட இரண்டு பெரும் பிரிவுகளாகப் பிரிக்கப்பட்டு போட்டிகள் நடைபெறுகின்றன. இந்தப் போட்டிகள் ஜூன் மாதத்தில் நடைபெறும் என்று தெரிகிறது. அதேபோல் ஜூலை, ஒகஸ்ட் மாதங்களில், 18 இங்கிலாந்து பிராந்திய அணிகளுக்குமிடையேயான தனித்த இருபதுக்கு-20 போட்டிகள் வெள்ளிக்கிழமை இரவுகளில் நடத்தப்படவுள்ளன.

இதில், இறுதிப்போட்டிக்குத் தகுதி பெறும் இரண்டு அணிகள் வெற்றிக் கிண்ண லீக் இருபதுக்கு-20 கிரிக்கட் போட்டிகளில் பங்குபற்றும். இந்தப் போட்டிகளுக்காக சமீபத்தில் இங்கிலாந்து உள்நாட்டு கிரிக்கட் போட்டிகளில் அறிமுகம் செய்யப்பட்ட 40 ஓவர் கிரிக்கட் போட்டி இரத்துச் செய்யப்பட்டுள்ளன.

இங்கிலிஷ் பிரிமியர் லீக் மற்றும் உள்நாட்டு இருபதுக்கு-20 போட்டிகளுக்காக ஏற்கனவே இங்கிலாந்து கிரிக்கட் சபை விளம்பர நிறுவனங்களிடமிருந்தும் போட்டி ஒளிபரப்பாளர்களிடமிருந்தும் ஆதரவுகள் பெருகிவருவதாகக் கூறப்படுகிறது. இங்கிலிஷ் பிரிமியர் லீக்கில் பங்கேற்கும் 2 அயல் நாட்டு அணிகள் இன்னமும் முடிவு செய்யப்படவில்லை. ஆயினும், இந்தியாவின் ராஜஸ்தான் ரோயல்ஸ் இதில் ஒரு அணியாக இருக்கலாமென்று எதிர்பார்க்கப்படுகிறது.