பராக் ஒபாமா ஜனதிபதியாகப் பதவியேற்றால், ஈராக்கிலிருந்து 16 மாதங்களுக்குள் அமெரிக்கப் படைகள் வெளியேற்றப்படுமென அவர் குறிப்பிட்டிருந்த போதே, ஈராக் பிரதமர் நூரி அல்-மலிக்கி இதனை வரவேற்றுள்ளதாக தெரிவிக்கப்படுகிறது. 

இந்தக் காலக்கெடுவானது மிகப் பொருத்தமானதாகவும் ஏற்றுக்கொள்ளத்தக்க வகையிலும் அமைந்துள்ளதாகவும் அல்-மலிக்கி தெரிவித்ததாக அந்த நாட்டுப் பத்திரிகை செய்தி  வெளியிட்டுள்ளது.

எனினும், பத்திரிகைச் செய்தி அல்-மலிக்கியின் கருத்தை துல்லியமாக எடுத்துக் கூறவில்லையெனவும், காலக்கெடு குறித்து யாருடைய திட்டத்தையும் அல்-மலிக்கி அப்படியே அங்கீகரிக்கவில்லையெனவும் அவரது செய்தித் தொடர்பாளரான அலி அல்-தாபா கூறியுள்ளார்.

இதேவேளை அல்-மலிக்கியின் ஆலோசகரான சாதிக் அல்-ரிபாகியும் இதே கருத்தினைக் குறிப்பிட்டுள்ளார். மேலும் அமெரிக்காவின் தேர்தல் பிரசாரத்தில் பங்கெடுத்துக் கொள்வது எங்களது நோக்கமல்லவெனவும் அவர் கூறியுள்ளார்.