அனைத்து நாட்டு பயணிகளுக்கும் சுற்றுலா விசா வழங்க ஐக்கிய அரபு அமீரகம் முடிவெடுத்துள்ளது. இந்தியா உள்ளிட்ட 79 நாடுகளுக்கு ஐக்கிய அரபு அமீரகம் சுற்றுலா விசாவை நீண்டகாலமாக அனுமதிக்கவில்லை.

இந்நிலையில், சுற்றுலாத் துறையை மேம்படுத்தும் விதமாக அனைத்து வெளிநாட்டு பயணிகளுக்கும் சுற்றுலா விசாவை வழங்க ஐக்கிய அரபு அமீரகம் முடிவெடுத்துள்ளது.

இதற்காக புதிய விதிமுறையும் வகுக்கப்பட்டுள்ளது. இது, வரும் 29-ம் தேதியில் இருந்து நடைமுறைக்கு வரவுள்ளது.

புதிய விதிமுறைப்படி, சுற்றுலா விசாவை பயணிகளுக்கு பெற்றுத்தர அந்தந்த நாட்டில் டிராவல்ஸ் ஏஜென்ஸிகளுக்கு அனுமதி வழங்கப்பட்டுள்ளது.

விசாவுக்கு விண்ணப்பிப்பவர்கள் தங்களது விண்ணப்பத்துடன் உடல்நல மருத்துவச் சான்றிதழையும் சமர்ப்பிக்க வேண்டும் என புதிய விதிமுறையில் குறிப்பிடப்பட்டுள்ளது.